December 06, 2023
Kaua e pā atu ki te pūtea reo: Uniana ratonga tūmatanui
E pāpouri rawa atu ana te ūniana mō ngā kaimahi ratonga tūmatanui i te hiahia o te Minita Ratonga Tumatanui hou, a Nicola Willis, kia whakakorea ngā pūtea tāpiri ki ngā kaimahi e matatau ana ki te reo Māori.
E ai ki te Kaihautū Māori o Te Pūkenga Here Tikanga Mahi, a Marcia Puru, ka ātete te unaina i ngā whakatau e takahi ai te Tiriti o Waitangi, e taipuru ai te anga whakamua o te iwi Māori. E 90,000 neke atu ana mema.
Hei tā Puru, he wairua kino tō te kī a Willis he moni mō te kore ngā pūtea tāpiri nei. Hei tā Puru anō, ka mōhio a Willis ko te mātau o ngā kaimahi ki te ao Māori he ara whakahirahira kia pai ai te kawe o ngā ratonga ki te iwi.
Ka kī tonu a Puru kua roa te wā e noho ana ngā pūtea tāpiri ki ngā kirimana tōpū huri noa i te ratonga tūmatanui, ā, kua pūmau i raro i ngā kāwanatanga Reipa māi, Nāhinara mai i roto i ngā tau.