Kua nehu te kaiwhakawhānau pēpi i weronui i a Oranga Tamariki

Nā āna mahi wero i te āhua e tiakina ai ngā māmā o te motu i rongonui ai a Rīpeka Ormsby, kaiwhakawhānau pēpi o Ngāti Kahungunu.

Koia te kōrero a te tumu whakarae ki te Rōpū Kaiwhakawhānau Pēpi Māori, a Jean Te Huia o Ngā Māia, whai muri i te nehu ā te kuia a Ormsby, e 63 tau te pakeke, i te Rāhoroi kua hipa.

Ko Ormsby te wahine, nāna i whakahua ai ngā hē a Oranga Tamariki, whai muri i tā rātou whai kia tango tētahi pēpi i tana whānautanga mai i te hōhipera o Te Mātau-a-Māui i te tau 2019.

Hei tā Te Huia, kua pōhara te ahumahi whakawhānau pēpi i te rironga a Ormsby, he wahine toa, he wahine hūmārie, he wahine kaha hoki ia te kī a Te Huia, ka mutu, he hoa hoki, ā, nui te mana i te hapori o Ngāti Kahungunu whānui. Ka mahue mai ko tana hoa rangatira a Wayne, me ā rāua tokorima tamariki.

RELATED NEWS

Tatauranga 2023: Kāore anō te kaupapa kia eke ki tana taumata Tauti mai ki Ōtaki mō te kaupapa o ‘Aro’ i Māoriland Mataatua Kapa Haka