October 24, 2023
Kia kaua te kāwanatanga hōu a Nāhinara e tohutohu mai ki ngā kura aho matua
Mā ngā kura kaupapa, ngā kura kaupapa e arahi, kaua mā te kawanatanga. Koia te whakahau a te heamana o mua o te runanga kurakaupapa Māori o te motu a Kathy Dewes ki te kawanatanga hou a Nāhinara me ACT.
Hei tāna, ka kore rawa rātou e whakaae, e noho tahataha rānei, ki te hiahia te kawanatanga hou ki te whakatāmi tonu i ngā kura, me ngā kaupapa Māori.
“Kia waihoatia mai ngā kura Aho Matua kia mahia tā mātrou mahi, hei aha tā kāwanatanga a Nāhinara tohutohu mai. Me te whakahoki mai i ngā whanaketanga hoki ngā tūāhuatanga aromatawai kia rua ngā aromatawai ia tau e aromatawai i ngā tamariki tau 4 ki te tau 8 noa iho he kaha ērā tūāhua he pēhi i tā te Māori, i tā te Aho Matua aro ki te poipoi i ā tātou tamariki Māori.”