October 24, 2023
Haami Piripi | Kia mātaara ki te kāwanatanga hōu e kainamu mai nei
E rua ngā iwi o te motu nei, he pōhara ētahi, he whai rawa ētehi, nā reira kia mātaara ki te kāwanatanga o Nāhinara rāua ko ACT e kainamu mai nei.
Koia ngā whakaaro o Haami Piripi, rangatira o Te Tai Tokerau, hei tāna anō, kua hoki whakamuri te noho ā te Māori, ā, ko te Māori e pōhara tonu ana, ā, ko tauiwi e kake tonu ana i te ara whai rawa.
“Whakaaro ana au te hia kē kua hoki whakamuri ana ki ngā wā o mua e pōhara i tēnei taha ko te hunga whai moni ki tērā taha he Pākehā anō hoki ki reira. Nā reirqa i ngā tau kua pahure kua piki ake te maramatanga me te ao Māori wēnā mea katoa heoi anō i tēnei kāwanatanga hōu e tika ana kia mātaara hoki tātou nō te mea ko te pea tuatahi nā ACT me whakatutukihia he referendum.“