October 17, 2023
Nā wai i hē, katahi ka hē kē rawa atu
Nā wai i hē, katahi ka hē kē rawa atu. Koia te pātai nui kei mua i te whare pupuri taonga o Tāmaki Paenga Hira, whai muri i tā rātou whakakā i tō rātou whare ki ngā rama kahurangi, mā hoki i te mutunga wiki kua hori hei tohu tautoko i ngā hunga o Iharaira, e noho parekura ana ki te whenua o Gaza.
Hei tā tētahi kairangahau Māori, hei tā Tākuta Arama Rata, kaore e tika ana kia tautokona e te whare pupuri taonga o Tāmaki Paenga Hira tētehi taha o te riri. Ko te mahi tika kē kia tono kātipuhi i ngā taha e rua.
Nō te ata nei kōrero ai a Rata ki tō mātou hōtaka o Pākiwaha, ā, hei tāna, ko te tikanga o taua mūhiama kia whakamaharatia ngā ika i riro i ngā pakanga, kia tuku māramatanga hoki o te taututetute ki te tangata.
I tērā wiki tutū anō ai te puehu i waenga i a Iharaira me Hamas, ko Hamas he kāhui hoia nō te whenua a Gaza. Kua nohoia a Gaza e Ihiraira mai i te tau 1967.