Listen Now: 
October 17, 2023
He tiro pukapuka kaute te haere: Winston Peters
Waatea Team
Posted On October 17, 2023
Ko te mahi tuatahi a ngā kaitōrangapū hōu o Aotearoa Tuatahi, he whakapurangiaho ai ngā ahua o te ōhanga o te motu.
Koia te kōrero a te upoko o te pāti, a Winston Peters, whai muri i te ekenga o āna kaitōrangapū tokowaru hei mema Paremata hōu.
Hei tā Peters, kāore ngā tāngata o Aotearoa i rongo i ngā kōrero pono mō ngā pukapuka pūtea a te kāwanatanga i te whakatairanga pōtitanga, ā, ko tana hiahia kia whakatika i tēnā.
Hei tāna, he nui ngā raru huri noa i te motu, he tokomaha rawa ngā tāngata e pōhara ana, e raruraru ana i tēnei wā, ā, me whai rongoā, me whai anga whakamua.
Hei tā Pita tonu, mā te tiro atu ki ngā whenua e kaha angitū ana pēnei i a Hingapoa me Tiorangi e kite ai ngā hua, ā, kua tae ki te wā kia hāpaingia te katoa ahakoa i whea rātou tuku ai ā rātou pōti.
RELATED NEWS
