September 27, 2023
Kua ea te wāhi ki ngā rōia, e tatari ana mō te whakatau ā ngā hapū i te iwi o Te Whānau-a-apanui
Kua waitohua e ngā rōia o Te Whānau a Apanui me te Karauna i tētahi Whakaaetanga Whakataunga hei whakamihi i ō rātou tāhuhu kerēme Tiriti o Waitangi.
E ai ki a Dayle Takitimu, Rōia mō te iwi o Te Whānau-a-apanui kua mutu te wāhi ki ngā rōia ā te iwi me te karauna ināia nei e tāria ana mō te whakaaetanga te whakahētanga rānei ā ngā hapū o te iwi mō te whakataunga keremē i whakaritea.
“20 tau kua noho ki te tēpu mātou ki te taha o te karauna i runga i ēnei take e pā ana ki te takutai moana me ēnei take tiriti, āe, kua mutu tēnā wāhanga ināia nei ki te taha o ngā rōia o te karauna me ngā rōia o te iwi….. kua mutu tēnā pepa ināia nei kua whakahokia ngā pepa ki te iwi ināia nei ki te āta wānanga te iwi mēnā he hua kei roto kāre he hua kei roto, ko tēnei waitohu i tēnei wā mai i ngā rōia me ngā minita o te karauna”.