September 27, 2023
Nā te iwi i aukati i te roto o Ōkataina mō tōna oranga te take
Kua puta atu ngā hiahia a Ngāti Tarāwhai mō ngā mahi hai whakahaumaru i te roto o Ōkataina kia kore te kōkuhu ‘Gold-clam’ e pokea rawatia ana ngā papa o te roto rā.
Hai tā Ruakiri Fairhall, Mema o te poari o Ngāti Tarāwhai kua aukatingia te roto o Ōkataina kia kore rawa te kōkuhu ‘Gold Clam’ e kuhu nei ki ngā papa wai o te roto.
“Ko te take e pēnei ana mātou kua rongo kua kite i roto i ngā rangahau i ngā pānui o te wā i te kino o tēnei momo rēwera kua whai wāhi atu ki ngā wai o Waikato, ko tēnei te mahi noa iho a te iwi ki te tiaki i te moana me ngā whenua o te iwi ake o Ngāti Tarāwhai kia whai wāhi ai te iwi ki te āta rangahau me te āta whakarite i tētahi rongoā e tūwhera ai te roto ki ngā tangata katoa ahakoa te aha”.