September 22, 2023
Kua whakaingoatia te kaitoa o Te Kupenga Reo ki Te Tai Tokerau
Nā tōna whakahāngai i te whakatauki ka kata ngā pūriri a Taiamai, ki te pōhiri o Te Matatini i wikitōria ai tētahi pūkōrero o Te Waimate-Taiamai, te whakataetae whaikōrero a Te Kupenga Reo tuatahi.
Koia te kōrero a te kaiwhakataki o Te Kupenga Reo a Ngāhuia Harawira, mō te kaitoa o te whakataetae nei a Rēhia Rāmeka.Hei tā Harawira, mehemea kāore koe i reira, i tino mahue i a koe tētahi kōrero hirahira rawa.
“Ko te toa ko Rēhia Rāmeka ko tana kaupapa kōrero “Ka kata ngā pūriri o Taiāmai” me taku waimārie i tae mai tētahi nō Te Pū o Te Wheke āna ko tāna kōrero i whakahāngai ia i tērā whakautaki o tērā kōrero o Te Waimate-Taiamai ki te pōhiri o Te Matatini. Na, i whakamārama ia he aha te rerekētanga ki waenganui i te “ka kata ngā pūriri” , “ka kata ngā pūriri” aiāinei, me whakarongo ki ōna kōrero kia kite i te pikitia nui.”