September 06, 2023
He wānanga pōti ki te Marae o Manurewa
Ko te mea matua me pōti koe i te kōwhiringa pōti kei te heke mai. Koia nei te kupu ki ngā kuia, koroua o te Tai Tonga o Tāmaki Makaurau i huihui i Manurewa Marae inanahi ki te wānanga i ngā kaupapa here a tēnā pāti, a tēnā pāti.
E ai ki te heamana o te marae, a Rangi McLean, ahakoa kei te nama 30 ia i te rārangi pōti mō te Pāti Māori, ā, ka tū te kaiwhakahaere o te marae a Takutai Kemp i te tūru Māori o Tamaki Makaurau, kāore rāua i te whaiwhai pōti.
Hei tā McLean, “Ko te whakaaro nui kia whakatū he kaupapa te whāngai i a rātou me te kōrero atu ki a rātou mō te kaupapa kei mua i te aroaro, ko te pōtihanga. Ko te pōtihanga e kī ana mātou me pōti rātou, kāore mātou i te akiaki i a rātou ki te pōti mō te tōrangapū Pāti Māori. Ko tā mātou kē e kī ana me pōti.”