Kua riro a Paki Nikora ki te huihuinga o te kahurangi

Waatea Team Tame Iti

Download Audio

He momo te kaumātua a Paki Nikora. Koia nei te kī a Tame Iti, whai muri i te rironga o tana whanaunga i te Hōhipera o Whakatāne inanahi. E 83 ōna tau.

Hei tā Iti, he tangata mau pōtae maha a Nikora, he tangata pukumahi, he tangata katakata. He kanohi kitea hoki a Nikora i ngā kaupapa maha, ā, i ngā tau kua tata nāna ngā wero ki te hautūtanga o Tūhoe i ārahi.

Hei tā Iti anō, “Kua noho mokemoke mātou i te kore e kite i tōna āhua, ki tana tū, ki āna kōrero, nā te mea ko Paki tētahi tangata e kore ia e mataku ki te whakaputa i ōna whakaaro. Ahakoa ngā piki, ngā heke, ka noho tūturu tonu a ia ki runga i ērā whakaaro ōna, ki tāna mahi e mahia ana i a ia. Ko ia te kanohi kitea i roto i ngā huihuinga, i ngā kaupapa nui tonu i roto i a mātou, me te pāmu hoki me te ahuwhenua.”

Moe mai rā e te matua. Te hunga mate ki te hunga mate, te hunga ora ki te hunga ora.

RELATED NEWS

Kua mā anō te wai moana He konohete nui ka tatū anō ki Tūranga Henare: Kia tūpato tonu ki te kowheori