August 28, 2023
Manako – Kaye Maree Dunn
Ko te whainga o tētahi ope tauhokohoko Māori kei Amerika i tēnei wā, ko te whakapakari i ngā tūhonotanga kei waenga i te Māori, me ngā tangata whenua o reira.
Koia te korero a te Tumu Whakarae o te tarahiti Make Everything Achievable a Kaye Maree Dunn, me tana kawe i ngā kaipakihi Māori o te motu ki te tutaki, ki te wānanga, ki te whakahoahoa whakaaro ki ngā uri o te iwi o Mashantucket Pequot.
“Ko te kaupapa ka puta mai ngā whakaaro a ia kamupene a ka tū tētahi ki te kōrero e pā ana ki tā rātou pakihi ki te hoatu i ngā pukenga ki ngā tangata whenua o konei, ka mutu, ka mahi tahi tātou mō ngā reanga e heke mai nei.”