August 20, 2023
Ahakoa te whakatau ā te 14 o Oketopa me mahi tahi tonu te kāwana ki te Kiingitanga me te iwi māori whānui
E tū nei i tēnei wā nei ko te ‘Koroneihana 2023’ i Tūrangawaewae marae, he hākinakina, he mahi kapa haka, he kawe i ngā mate o te motu, a, i whakaeke hoki ngā Pāti Tōrangapū ki te marae o Tūrangawaewae i te rangi nei.
E ai ki te Kaipāpāhō i Tainui Live e ai ki a Reha Watene ahakoa kāore te Kiingitanga e kaha kōrero nei mō ngā take tōrangapū i tōia e Rāhui Papa tētahi o ngā māngai mō ‘Te Kiingitanga’ te kōrero whakakipakipa i te kāwanatanga me ngā āpiha o te Paremata kia mahi tahi te kāwana ki te kiingitanga me te iwi māori whānui ahakoa te whakatau ka puta a te 14 o Oketopa.
“Ko ngā whakautu mai i ngā pāti Tōrangapū e tautoko katoatia rātou i tērā o tāhūhū kōrero, te mahitahi koina te mea nui”