August 15, 2023
Tag Blacks: He tirohanga ki āpōpō
Kua hoki tahakore te kapa Tag Blacks ki te kāinga whai muri i tā rātou whakataetae Tag o te Ao i Airani, engari kei te tino hīkaka te kapa ki te whakapakari i ā rātou anō mā ngā wheako o reira.
Koia nei te kī a Jani Hohua Hayward, mema o te kapa ranu tāne-wāhine, e rua tekau ngā kaitākaro, i whai wāhi atu ki te whakataetae i Limerick.
“Koirā te whāinga i tēnei wā, kia hoki atu anō, tirohia te pikitia whānui, kia kaua tātou e hoki whakamuri, ka hoki mai, mai i tētahi whakataetae ka mutu ki reira ehara i te mea ka anga whakamua. Ko ērā atu o te kapa pēnei i a Ahitereiria ko rātou tēnā e koke ana ia te rangi, ia te wiki, ia te marama. Nā reira koia pea tētehi mea e ngaro ana ki a tātou nō Aotearoa. Kāore tātou i te kaha i te mahi i te mahi o ia te wiki, ka puta ki te whakataetae.”