Ko te kapa tuarua kē tēnā a ngā Parramatta Eels; he takunga noa.

Facebook: @photosportnz

Reuben Epiha Tame 1 - Both Teams Missing Players.mp3

Download Audio

He takunga noa iho te kī, ko te kapa tuarua tērā a ngā Parramatta Eels i hinga i ngā Tamatoa i te Hātarei e 46 ki te 10.

Koia te korero a tō mātou mātanga riki a Tame Te Rangi whai muri i te haukerekeretanga a ngā Eels, nā ngā Tamatoa.

Hei tā ētahi, nā te mahuetanga o ā rātou toki a Mitchell Moses raua ko Clint Gutherson ki te State of Origin, me te hāmenetanga a Dylan Brown, i tino raru ai rātou.

Heoi hei tā Te Rangi, kia kaua tātou e wareware kei te ngaro te tokomaha o ngā toki takaro i te kapa Tamatoa hoki.

“Horekau ōku āwangawanga mō te kī kāhore ngā toa o Parramatta i reira. E toru noa iho ērā, ehara i te mea i ngaro katoa te kapa, kāhore. Pehea atu ngā toa i ngaro atu ana i te rārangi o ngā Tamatoa?”

Ko Te Maire Martin rāua ko Jazz Tevaga e noho whara ana i tēnei wā, ā, kāore anō kia whakatauhia āhea rāua takaro anō ai.

Ko Josh Curran rāua ko Marata Niukore e noho hāmene ana. Kotahi anō te wiki ki a Curran, ka rua ki a Niukore.

RELATED NEWS

Kia tuupato ki nga wai paruparu Kua hoki tētahi rōpū, kāore anō tētahi atu kia hoki ki tōnā ake whenua Ahakoa te aha, ka koke whakamua: Reikura Kahi