Kia tuupato ki nga wai paruparu

Kei te whakatupatohia nga kaikauhoe kia kaua e kaukau i roto i nga awa i muri i nga ua na te mea tera pea he paitini kei roto i te wai e hau atu ana i nga paipa tuku wai aawha.

I puta mai tenei panui i te kaunihera o Whakatu i te Tauihu o te Waka a Maui.

Hei ta ratau me tatari kia pau te toru tekau ma ono haora i muri i te ua katahi ka iti haere te paru me nga paitini.

Inaa kee te morearea i nga momo mate me nga tahumaero i nga wai paruparu.

Kei te rahui te awa o Maitai me te awa e kia nei ko Whakapuaka. Kei reira hoki nga morearea mo te hunga e kau ana i roto i Te Awakairangi na te mea he pera rawa te paruparu i muri i nga ua.

RELATED NEWS

He huinga whakangahau Kia tika te rerenga ō ngā kōrero Te Wananga O Raukawa Reo Revitalisation Scheme