June 21, 2023
He whakapiki wairua mō Rotorua
Mā te whare hauora hou o Wai Ariki e whakapiki ake ai te wairua o Rotorua. Koia nei te kī a tētahi o nga kaihautū i te tarahiti o Pukeroa Ōruawhata, a Rawiri Waru o Ngāti Whakaue.
Hei tāna, nā te rere haere o te mate kōwheori i tino raru ai te taone me ana mahi tāpoi i ngā tau nei, heoi, mā te whare hauora hou, kei nga tahataha o te Rotorua-nui-a-Kahumatamomoe, e kite ai te rā e whiti ana i te pōuri.
Hei tāna, “Kua āhua taumaha kē ngā āhuatanga kua tau ki runga ki a Rotorua i roto i ngā tau e hia nei, i ngā tau tata nei … nā reira, he mea whakaora tēnei i te wairua o Rotorua, i te oranga o Rotorua. He mea whai wāhi ai ki ngā mahi rautaki kua roa kē te kaunihera me te kāwanatanga e kōrero ana. Nā reira, kia whai tūranga mahi a Ngāti Whakaue kia whakahīhī anō ai a Rotorua ki tōna hapori ake, ki tōna taone, ērā mea katoa.”