June 15, 2023
Ka tika tā ngā pakihi me ngā kura whakakapi kuaha ki Ōpotiki: Tama Potaka
E tika ana te mahi a ngā pakihi me ngā kura o Opotiki me ōna taone tata ki te whakakapi i ō rātou kuaha nā runga i te morearea nui kei raru tētahi i te pakanga a ngā kēnge mangu kaha, māpu mangoro hoki whai muri i te kōhurutanga o tētahi o ngā kaiarahi o te māpu mangoro i tēnei wiki.
Koia te korero a te mema torangpū a Nāhinara a Tama Potaka. Hei tāna, kāore i te tika te whakawehi i ngā tamariki, me ngā pakihi horekau rawa ā rātou pānga ki te take.
“Ko te tikanga, ahakoa te wā o te mate, te wā o te ora rānei, me huaki ngā kuaha o te kura, me rangimarie hoki te whakahaere i ngā mahi o te pakihi me ngā mahi o te taone, me ēra āhuatanga. Nā reira, whakamiharo hoki te rongo me te tautoko hoki i ngā mahi o te tangihanga, ngā mahi tikanga nei. Engari ngā mahi whakamānakanaka nei i ngaāpakihi me ngā kura kei te hē.”