November 24, 2022
Huakina te ao tōrangapū ki te taiohi
Mā te whakaheke i te pakeke pōti ki te 16 tau, e whakanui ai te aro a te hunga rangatahi ki ngā take tōrangapū. Koia nei te matapae a Te Rangimohoao Iti, 16 te pakeke, whai muri i te kī a te Kōti Hupirīmi he takahi i te Pire Mōtika te haukoti i nga hunga 16-17 tau ranei ki te tuku pōti.
E ai ki a Iti, he tauira ki te Haikura o Whakatāne, ka nui tana tautoko i te kaupapa nā te mea mā tērā e huaki ai te ao tōrangapū ki te taiohi.
Heoi, hei tāna, kua ako ia i ngā āhua o te ao tōrangapū mai i tōna matua a Toi Kai Rākau Iti, he kaikaunihera ki Toi Moana rāua ko tōna koroua rongonui a Tame Iti, kaua ki tōna kura. He iti noa iho te whakaako i ngā kaupapa tōrangapū ki te tōna kura, ā, me pakari ake te punaha whai mātāuranga ki te whakaako i te kaupapa nei ki te taiohi.