Listen Now: 
Download AudioKaua e whakateka noa i te mamae o te korokoro o tō tamaiti, kei huri kē hei mate rūmātiki. Koia nei te whakatūpato a tētehi māmā, a Raiha Wallace, whai muri i te riro o te rūmātiki i tana tamāhine.
Hei tā Wallace, ka taea e koe te mate nei te kaupare, heoi kāore pea i te tino mārama ngā whānau ki ana tohumate. Nō reira, e koa ana ia kātahi anō ka rewa i Te Whatu Ora tētehi mahere hou hei patu i te ngau o te mate nei.
Hei tā Wallace anō, “I te kōrero māua ko tētehi tākuta, i mea mai ia ko te nuinga o te wā, mēnā ka mamae te korokoro o ngā tamariki Māori, ngā tamariki Poronīhia rānei, ko te nuinga o te wā, mehemea kāore te haere ki te tākuta ki te tiki i te rongoā, ka huri hei rūmātiki. Nō reira, he mea tino nui, he momo aituā tēnei.”
RELATED NEWS
