Listen Now: 
Download AudioĀ te Tūrei puta ai ki ngā whare kiriata o te motu ko te whakaata Disney hōu ko Coco tērā i te reo Maori, ko tāna he pūrakau mō tētahi tamaiti Paniora mē tāna kawenga ki te ao kohatu ki te whai whakaakoranga i ngā whēako o ōna tupuna.
Hei tā tētahi o ngā reo tupuna hei ta Ngatarawahi Fairhall o Ngāti Whakaue, i waimarie ia i tōna ako i te reo Paniora i te kura, ā, he mea whakahōnore tēnei i tōna matua, me tana whakahau kia whakatō i te reo Paniora hei kai mā rātou.
“Engari ko tāku, ko te take matua kia whakauru taku reo hei tuku mihi ki tōku pāpā, ki ōku mātua, nā raua anō i homai i whāngai mai i tēnei reo, a, ehara i te mea i haere noa ki whenua kē atu ki ngā kaiako ki ngā tangata o aua whenua, i waimarie nui au ko tōku pāpā he arero o te ao me kī, ā, ko tana tino hiahia kia whakaako mai ki a mātou ngā ākonga o Te Koutu, tana wa i reira, kia ako i tētahi reo e whakawhānui tō mātou aronga.”
RELATED NEWS
