April 19, 2023
Tū mai ngā wāhine tōrangapū!
Ko te taima pea tēnei o te ao tōrangapū wāhine. Koia te kōrero a te kaitono hou a nga Kākāriki ki te tūrū o Te Tai Tokerau, a Huhana Lyndon.
Hei tana, kei te kitea katoahia ngā hua i ngā taumata katoa o te kāwanatanga, kaua noa iho i te Pāremata, engari kē ki ngā kaunihera ā-rohe anō hoki.
“Tērā pea kua tae ki te wā, māku e kōrero ki a koe, kua tae ki te wā kia tū tērā … te hunga wahine mō ēnei tūru tōrangapū ki rō te kāwanatanga anō hoki. Kua kite ki te taha kaunihera, tērā ngā wāhine Māori e tū ana, me kī, whai tūru, kei reira te koromatua ki Rotorua anō hoki, ētahi anō ki a mātou i te raki. Ki a au, he mea kua tohua te whānau, te hapū, te hapori Māori mō ēnei hunga wahine kia puta tā rātou reo. Hei aha? Hei painga mō te iwi Māori.”