April 19, 2023
He whakapūmau o te mana motuhake ki Tahiti
Kua whakapūmautia te mana motuhake o te Whare Ariki o Pomare e Kīngi Tuheitia Pōtatau Te Wherowhero VII ki tētahi hui nui whakaharahara i Tahiti inanahi.
Hei tā te ātirikona o te Kingitanga, hei tā Ngira Simmonds, he kaupapa tēnei i whakarite kia puritia e te Whare Ariki o Pomare i tō rātou ake tino rangatiratanga, i tō rātou ake mana motuhake.
“Inanahi rā, i tū ai tētehi karakia, tētehi whakaaturanga, hei whakapūmau i te mana motuhake o te Whare Ariki o Pomare. Ko tā rātou hiahia kia ū tonu rātou ki taua mana motuhake, kia kore ai tērā o ngā whare ariki i pēhi nei i raro i te kāwanatanga o te whenua o Wīwī. Nō reira, koia te kaupapa i tutuki inanahi.”