April 18, 2023
Ka eke TKKM o Te Raki Paewhenua ki tōna huritau 30
Mei kore tana haere ki Te Kura Kaupapa Māori o Te Raki Paewhenua kua tū ia hei raukura kau noa mō tōna kura, engari anō hoki mō tōna iwi.
Koia te kōrero a Raniera Kaio, tētahi o ngā raukura, tētahi hoki o ngā kaiwhakahaere i te huringa tau 30 o te kura ka whakanuia ki Ohomairangi i Tāmaki Makaurau hei te 19 o Mei.
Hei tāna, e 600 ngā tauira kua kuraina ki reira i ngā tau, ā, ko te kura te take i puta ai tona ihu i te ao pakeke nei.
“He nui ngā wheako, he nui aku maharatanga. Ka mutu, mei i ērā tau ōku, karekau tēnei e taea ana te kōrero tahi ki a koe ki runga ki a Waatea, karekau ahau e mahi ana me aku mahi ki taku iwi ake ki roto i a Ngāti Kahu ki Whāingaroa. Nā reira, he wheako nui i ērā tau katoa nō reira e mihi ana ki ngā kaiako o ērā wā, e mihi ana ki me aku hoa kura.”