April 13, 2023
He rā hohou te rongo mō Manaiapoto
Ā te Hātarei hohou ai te rongo i waenga i a Ngāti Maniapoto me te karauna mō te rerewē i whakatūria i Te Rohe Pōtae i te tau 1885.
E ai ki te kaumatua o Maniapoto, a Ahorangi Tom Roa, nā te mahi nanakia a te karauna i ngaro ai te whenua, 112 kiromita te roa. Heoi, i te whakataunga kerēme o Maniapoto i tērā tau, i manatia tētehi hui mā te karauna te whenua e whakahoki ki te iwi, ā, i taua wā tonu, mā te iwi te whenua e tuku atu ki ngā tāngata o Aotearoa hei hua mā te katoa.
Hei tā Roa, ka mahia tēnei mahi ki Te Māwhai, e pātata ana ki Te Awamutu, kei mua i ngā manuwhiri kotahi mano. Ko te 15 o Apereira te rā i kerikeritia tuatahitia ai te oneone kia whakatū ai te rerēwē i ngā tau e 138 ki muri nei.
Hei tā Roa anō, “Ki tēnei kaupapa ā te Rāhoroi, he mea nui ki a au kua whākina mai e te kāwanatanga tana hara, ā, kei te whakahokia mai taua wāhanga o te rerewē ki a Ngāti Maniapoto mō roto i tēnei hui i mua i te whakaminenga e tae atu ai ki reira.”