April 05, 2023
Ko te whakakāhoretanga o te Take Kite Whenua he mea nui: Tina Ngata
Nō nga rangi tata nei puta ai te kōrero whakatau i a Pope Francis o te Hāhi Katorika e mea ana kāore te hahi i te whakaāe ki te whakapono Take Kite Whenua, arā te Doctrine of Discovery, he mea whakamahi nā nga kaiwhakatere o Ūropi i ā rātou terenga o te Moana Nui-a-Kiwa, ā, puta noa hoki i te ao ki te tāhae whenua.
Hei tā tētahi kairangahau, hei tā Tina Ngata, ko te whakahē nei a te Hāhi Katorika he mea nui rawa mō ngā whenua katoa o te ao i raupatuhia.
Hei tā Ngata anō, “I te tau 2012, i puta mai te rīpoata o te Rūnanga Whakakotahitanga o Ngā Iwi o te Ao, te United Nations me kī, e pā ana ki te Doctrine of Discovery. E ai ki tēnei rīpoata, ko te Doctrine of Discovery te pūtake o ngā pēhitanga katoa o ngā iwi taketake huri noa i te ao. Nā reira, he kaupapa tino hirahira tēnei ki a ngāi mātou, te iwi Māori, ki ō mātou tuakana, teina taketake.”