April 04, 2023
Kia whakahaumaru tō whānau: Piki Thomas
Nō te wikene mutu ai te wāhanga Daylight Savings o te tau, ā, kua puta anō ngā tohutohu a Whakaratonga Iwi, arā, Fire and Emergency New Zealand, e tohu ana kia kaha tātou te whakahou i ngā pāteri kei ngā puoro auahi o tō whare.
Hei tā te tumu whakarae tuarua o ngā kaupapa Māori o Whakaratonga Iwi, hei tā Piki Thomas, mehemea kāore āu puoro auahi, he ngāwari noa te whai.
“Tuatahi ake rā, me waea atu ki te teihana patu ahi e tata ana ki a koe, ka tahi. Ka rua, whakapā atu ki tō mātou whārangi ipurangi o te Fire and Emergency New Zealand, mā reira ko tāu e kimi mātauranga, e kimi kōrero e pā ana ki ēnei tūmomo taputapu kei roto i tō takiwā. Nō reira, koirā tā mātou ki te nuinga, kia whātoro atu ki tō mātou nā whārangi ipurangi, o Fire and Emergency New Zealand.”