April 04, 2023
He tīmatanga te whakahē o te Mana Kite Whenua: Beazley
Nō nā tata nei puta atu ai te kōrero i a Roma, mai i a Pāpā Werahiko, e kī ana kei te whakahē te Hāhi Katorika i te Mana Kite Whenua, ara, te Doctrine of Discovery. Koia te ture i whakamahia ai e ngā kaiwhakatere o Uropi, ki te raupatu whenua i a rātou haerenga i te ao.
Hei tā te Kairīwhi o te Pīhopa o Tāmaki Makaurau, hei tā Manuel Beazley, mā konei kua timata rātou te muru i ā rātou hara.”He tīmatanga noa iho tēnei, engari he takahanga i te huarahi tika, kia whakatika i ēnei o ngā hara o te hāhi. Ko te mea nui ki ahau e whāki ana a Pāpā Werahiko ki ngā mahi hē a te Hāhi o mua, i whakamana ai ki ngā mana maha o te Pākehā kia raupatu i te whenua ō te hunga ehara i te Karaitiana. Nā ngā pāpā o te rautau 15 tēnei ture i whakaputa, e hia kē mai nga iwi taketake o te ao e mōhio ana ki te kino o te tāmitanga o tētahi iwi matua.”