March 30, 2023
He whare mō te katoa ki Mātaimoana
Kua tuku tono atu ngā kaiārahi o Taranaki Whānui ki te Minita Taiao kia whakaterehia ā rātou mahere whakatū whare ki runga i Mātaimoana, arā ko Mt Crawford.
E ai ki te heamana o te tarahiti whakahaere i te whakataunga kerēme o Taranaki Whānui, ki a Kara Puketapu-Dentice, e hiahia ana te tarahitī ki te whakatū kia whitu rau anō ngā kāinga hei rīhi ki ana uri. I tēnei wā, nō Te Ara Poutama te whenua, heoi kua kati te whare herehere o mua i reira, ā, kei te tarahitī te mōtika tuatahi ki te hoko i te whenua i raro i tana whakatau kerēme.
Hei tā Puketapu-Dentice anō, he nui ngā hua mā ngā tāngata o te rohe. “Mō te oranga o ngā tāngata katoa, mō te oranga o Ngāi Māori, mō te oranga o Ngāi Pākehā rānei. Ahakoa nō hea, ahakoa a wai, koirā nā te kaupapa e whakatū ai mātou i tēnei kaupapa, mā runga i te whakaaro o te raukura ‘te iti, te rahi, te katoa.’ Koirā nā te kaupapa.”
Ā te Hune pea mōhio ai te tarahitī ki te hua o ā rātou tono.
Whakarongo ki te uiui katoa ki konei.