January 24, 2023
Tamaiti ako ana i te kāinga
Kāore te āporo e taka tawhiti i te rākau. Koia nei te āhua o te tōnamana kirikiti mō ngā rangatahi Māori, Pasikifa hoki e tū ana i tēnei rā, āpōpō anō hoki ki Tāmaki Makau Rau.
Kei te kapa Pasifika tamatāne ko Solomon Nash, te tama a Dion Nash, he Pōtae Pango o mua, rāua ko Bernice Mene, he Rau Hiriwā o mua. Kei taua kapa hoki a Oscar Su’a, tama a Murphy Su’a, he Pōtae Pango o mua. Kei te kapa tamawāhine Pasifika a Francesca-Eti Tonu’u, tamāhine a Ofisa Tonu’u, he kaitākaro whutupōro mō Ngā Kahurangi, he kaikirikiti mō Hāmoa hoki.
E ai ki a Andrew Tara, kaiwhakahaere kaupapa Māori i Kirikiti Aotearoa, he tuatahitanga te tōnamana nei.
Kei te tū te tōnamana ki ngā papa tākaro kirikiti o Ōrākei, o Shore Rd hoki.