January 18, 2023
He pētihana mō te Tai Rāwhiti
E pokea ana ngā kōawaawa, te tātāhi anō hoki e te poro rākau, ā, e karanga mate tenei i tō tātou taiao. Koia nei te kōrero nā te māngai mō te Mana Taiao Tairāwhiti, nā Rawinia Olsen-Kingi.
Nō tērā wiki tau ai te haumātakataka Hale ki Te Tairāwhiti me te nui hoki o ngā raru i mahuta ake hei whakatika mā te rohe.
Kua whakaputaina e te Mana Taiao Tairāwhiti i te pētihana e whakakipakipa nei i te kāwanatanga, i te kaunihera hoki kia whai rautaki hei whakawhāiti ngā pākinotanga ka tau ki te rohe i te wā o te āwhā.
Hei tā Olsen-Kingi, arohaina nā tō tātou whenua kei kore hāhā.