November 23, 2022
He akoranga mā ngā kaimahi a Oranga Tamariki
Kua oti i ngā kaimahi e 400 a Oranga Tamariki tētehi hōtaka e 21 wiki te roa hei whakapakari i tō rātou mōhiotanga ki te ao Māori.
E ai ki a Mereana Selby, upoko o Te Wānanga o Raukawa, i mahi ngātahi ngā wānanga o Raukawa, Awanuiārangi me Aotearoa ki te whakawhanake, ki te whakahaere i te whakangungutanga ā-kanohi, ā-ipurangi hoki.
I kī anō a Selby he kaupapa tēnei i kōkirihia e Tā Wira Gardiner i a ia e hautū ana i te waka o Oranga Tamariki.
Hei tā Selby tonu, he nui te hua o te hōtaka mā ngā kaimahi.
I te wiki nei whakanuia ai ngā kaimahi i ngā pōwhiri ki Manukau, Whakatāne, Ōtaki me Ōtautahi. Ā tērā tau tū anō ai te hōtaka.