Kaumaatua Mana Nui o Ngaapuhi ki Te Whanganui-a-Tara

Kua tae atu nga kaumaatua mana nui o Ngapuhi ki Te Whanganui-a-Tara ki te maatirotiro i te whakaaturanga He Tohu i te ra nei. Kei roto i taua whakaaturanga, ko te Whakaputanga o te Rangatiratanga o Niu Tireni me Te Tiriti o Waitangi. Kei te whakahaere hui haukai te Runanga a Iwi o Ngapuhi i roto i te whare paaremata a te po nei, ko Ngapuhi: Preparing for our future te ingoa, a, kua powhiritia nga kaitorangapu ki taua haukai.

E 3 nga Wananga Maori ka whakamahi i te kupu University

E whai mana ana nga Wananga Maori e toru ki te whakamahi i te kupu pakeha university inaianei, engari, hei taa te upoko o Te Wananaga o Awanuiarangi, ehara i te mea ma reira ka rereke taa ratou whakahaere i a ratou ano. Hei taa Wiremu Docherty, kotahi pea te hua, ara, ka hiikaka ake pea nga tauira o tawahi ki te hono ki a Awanuiarangi.

Kua mate a Winnie Mandela

Kua mate te wahine o mua a Nelson Mandela, a Winnie Mandela. Ko raua ko Nelson nga tohu o te whawhai ki te kaikiritanga ki roto o Awherika ki te Tonga mo te toru tekau tau. I wehe raua whai muri iho i te wha tekau tau e marena ana, a, ahakoa he wahine mana nui, kauanuanu nui a Winnie Mandela, i mimiti taua mana i ona tau whakamutunga i raro i nga whakapae mo tana whakatuanui i roto i nga hapori o Soweto.

Follow us on &

Copyright © 2018, UMA Broadcasting Ltd: www.waateanews.com