March 08, 2018
Kia tūpato Ahuriri ki ngā huarere kino
Kia tūpato Ahuriri ki ngā huarere kino
E tika ana me āta whakarite ngā kainoho pātata ki Ahuriri i a rātou anō mo te taenga atu o te huarere kino ki a rātou, kia reri hoki ētahi ki te hūnuku atu. Ko te takiwā pātata atu ki te awa Esk River te hunga whati tata, whai muri i te katinga o te huarahi atu i Taupo ki Ahuriri nā te ua tātā ahakoa kua tūwhera anō inakuarā. Kāti ko te kupu a ngā kaiwhakahaere huarahi e kī ana kia tūpato.
Piki te maha o ngā Freedom Campers
Kua hui tahi ngā koromatua huri noa me te Minita Take Tūruhi a Kelvin Davis ki te matapaki i ngā tāngata e kiia nei ko ngā Freedom Campers. Kua piki mārika te maha o aua momo tūruhi ki te kotahi rau rima tekau mano i te tau pahure atu nei. Te hanga nei ka whakatū roopu ki te āta whiriwhiri i te kaupapa tautohenga nei. Ko te hiahia o ngā koromatua me utu pūtea ēra tāngata hai tautoko i te whakatūranga o ngā wharepaku, me ngā ratonga tautoko ki ngā rohe o te motu.
Copyright © 2018, UMA Broadcasting Ltd: www.waateanews.com