Listen Now: 
Kooti rangatahi ki Whangārei
Kei te whakatūria he kooti rangatahi ki te marae o Terenga Paraoa i Whangārei. Koinei te kooti rangatahi tekau mā rima o te motu, mai rā anō i te kooti tuatahi i whakatūria ai i Turanga i te tau rua mano mā waru. Ko te whainga o ēnei kooti rangatahi kia kimihia he rongoā mo ngā rangatahi takahi ture mā roto atu i te whakahono anō i a rātou ki o rātou tuakiritanga, ki tō rātou ahurea, otirā, ki ngā hapori Māori. Hei te rua tekau mā wha o Huitanguru te kooti whakatuwherahia ōkawatia ai, ā, ka noho a Kaiwhakawā Denise Clark nō Ngāpuhi hei kaiwhakawā tuatahi. Kua whakawhanake kooti rangatahi ia ki roto o Kirikiriroa me Rāhui Pōkeka.
Matua Hook toihau hou Kohanga Reo
Koia te toihau hou o te Poari Kohanga Reo o te motu, ā, hei tā Matua Hook, ehara i te mea kua ārahi noa nei te Kohanga i te whakarauoratanga o te reo Māori i roto i ngā tau, engari, kua ārahi hoki i ngā tauwhirowhirotanga i roto i o tātou hapori, i roto hoki i ngā take pāpori o te ao Māori. Mai rā anō i te tau iwa tekau mā tahi kua whakapau kaha a Hook ki te kaupapa o te Kohanga Reo, arā, i taua tau rā i whakatūria ai e ia he Kohanga ki roto i tona anō whare.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
