December 12, 2017
Whakatū paamu kūtai ki Ōpōtiki
Whakatū paamu kūtai ki Ōpōtiki
E hiahia ana te Minita Whakawhanake Rohe a Shane Jones kia kōkiri whakamua i te rautaki e tū ai he wahapū, he waapu hou ki Ōpōtiki. Ko tēnei wahapū hou me tēnei waapu hou tētahi o ngā wāhanga nui o te hiahia o Te Whakatōhea ki te whakatū paamu kūtai. kaore a Nahinara i whakaae ki te tautoko i te kaupapa nei, kotahi rau rima tekau miriona taara te uara, heoi, hei tā Jones, tēra pea ka wānangahia anō e Reipa i roto i te hui a ngā Minita.
Tohatoha i te $10 miriona a Moana
Tata ki te rua tekau miriona tāra te pūtea hemihemi a te umanga o Moana i tēnei tau pūtea, nā reira, e pai ana kia tohatoha te umanga nei, ko Aotearoa Fisheries tōna ingoa i ngā wā o mua, i te tekau miriona taara ki ōna iwi pupuri hea, rima tekau mā waru. Hei tā te tāhūhū rangapū a Carl Carrington, ko te ika nei ko te hoki tētahi i tino hokona nuitia i te tau nei.
Copyright © 2017, UMA Broadcasting Ltd: www.waateanews.com