Listen Now: 
Ko Mei Taare te mangai hou
I takoto te manuka ki mua i taku aroaro, me pehea e kore ai e hiki ake. Koira taa te mangai mo te RTM ki Te Tai Tonga, taa Mei Taare. Hei taana, i tuu ia ma Reipa i Te Waiariki, tekau ma rima tau ki muri, a, he nui nga akoranga kua mai i a ia hei whakamaitai i a ia mo te pakanga kei mua i te aroaro mo te tuuru o Te Tai Tonga. Nei ra te Perehitini o te roopu, a Tuku Morgan.
Te kaingakoretanga puta noa te Tai Tokerau
Ko te kaingakoretanga te kaupapa matua hei kokiri ma Willow Jean Prime i roto i tana whawhai mo te turu auraki o te raki i tenei kowhiringa pooti. Kia tahuri ake tatou.
Me whakapaahaa te kawanatanga ki ngaa uri o Rua Kenana
E whakarite ana nga uri o Rua Kenana kia whakapahaa te Karauna ki a ratou mo nga hee ki to ratou tupuna. Nei ra a Kirituia Tumarae-Teka o Ngai Tuuhoe.
He maha ngaa hua o te Koohanga Reo
Ko te taanekaha o te muka taangata, ko te matatau o nga kaiako ki nga tikanga me te reo Maori. Koira nga take, hei taa Tiria Shaw o Te Kohanga Reo Ki Rotokawa, i whakawhiwhia ai ratou ki te tohu hiranga a te peremia mo tenei tau. Hei taa Shaw, i whakapuarehia to ratou kohanga i Rotorua, i te tau waru tekau ma wha, a, koia tonu tetahi o nga tauira tuatahi. Inaianei, koia tetahi o nga kaiako, a, koira tetahi o nga hua nui o te kohanga nei, ara, whakatipuranga atu, whakatipuranga atu, ko aua whanau ano e kitea ana i te kohanga reo ki Rotokawa.
Kua whiwhi tohu motuhake a Graham raua ko Linda Smith
Ko tetahi atu i whakawhiwhia ki nga tohu hiranga a te peremia ko Ahorangi Graham Hingangaroa Smith. Hei taana, ko te hapai i nga kaupapa Maori i roto i te ao matauranga tona kaingakautanga mai ra ano, a, koia te take i uhia ai tetahi o nga tohu a te peremia ki runga i ona pokohiwi.
Kua hono te maori ki ngaa iwi o te moana nui a kiwa
E manako ana te RTM, ma te hono ki One Pacific ka piki te pootitanga ki a ratou. Hei taa te kaiarahi takirua i te RTM, a Te Ururoa Flavell, he painga ka puta ki nga taha e rua i tenei hononga, ara, ki a One Pacific me te RTM. Hei taa Flavell, kei te tautoko te Kingi Maori i a ratou, e kounga ana o ratou mangai ki tena tuuru, ki tena tuuru, inaianei, kei a ratou te tautoko a nga uri o te moananui-a-kiwa.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
