Listen Now: 
Whakaata Maori mangai matua hou
Me kawe whakaaro hou mai te tahuhu rangapu hou o Whakaata Maori mo te whakarauora i te reo Maori. Koira te hiahia o Taiarahia Black o Ngai Tuhoe. Kua timata a Whakaata Maori ki te panui i te turanga o Paora Maxwell. Kei te heke iho a Maxwell hei te marama o Hereturikoka.
Me huri pehea a Ngapuhi?
Kaore te Minita Whakawhanake Maori a Te Ururoa Flavell i te marama, he aha te take e horokukuu nei a Te Kotahitanga ki te noho tahi ki a Tuhoronuku ki te whiriwhiri i te ahunga whakamuatanga o te tono raupatu a Ngapuhi. Hei taa Te Kotahitanga, mena kei roto te Upoko o te Runanga o Ngapuhi a Sonny Tau i a Tuhoronuku, hei aha ma ratou tera roopu. Ko te take i pera ai te whakatau a Te Kotahitanga, ko te haere a Tau ki te Kooti mo te kawe kereruu. Hei taa Flavell, ki te kore nga taha e rua e korero, e kore te aha e pahawa. Nei ra nga whakatau korero a Pita Tipene o Te Kotahitanga.
Kei te anga whakamua a Te Rarawa
E whakatata ana a Te Raarawa ki te ra e oti ai i a ratou taa ratou tono mo te mana o te wai Maori i to ratou takiwa. Kia tahuri ake ki nga whakamarama a te heamana o Te Raarawa a Haami Piripi.
Te whare hou o te reo irirangi o Ngati Porou
Hei whakanui i tona huritau toru tekau, kua whakahou te reo irirangi o Ngati Porou i nga ahuatanga o tona whare. Hei taa te tumu whakahaere, a Erana Keelan-Reedy, na te putea a te Lotteries Board, kua whakahoungia e ratou etahi o o ratou taiwhanga, kia haere tonu ai te mahi a te reo irirangi nei, mo nga tau toru tekau e tu mai nei.
Ngaa hotaka Matariki ki Rotorua
Kua timata a Te Puia i Rotorua ki te whakanui i a Matariki, whai muri iho i te ra i puta ai te ihu o Hinetakurua inanahi. Hei taa te Tumu Whakahaere a Eraia Kiel, ko te whakarere Manutukutuku, te ta moko me tetahi whakataetae kapa haka takiiwa aa ratou kaupapa tohu i te maatahi o te tau.
Ka tuu te wananga reo o Kahungunu apoopoo
E whakapae ana a Ngati Kahungunu, tata ki te rima rau taangata ka tae atu ki taa ratou kurutetenga reo tuarua ka tuu hei te marama o Hereturikoka. Hei taa te pou toko reo o Ngati Kahungunu a Jeremy Tatere MacLeod, e rua ra te roa o te hui, a, ko etahi o te hunga i ako i te reo Maori hei reo tuarua mo ratou, ka tuu ki te whakapuaki korero mo o ratou wheako, Hei taana, ko te whainga kia whakatairanga i tera momo tangata.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
