Listen Now: 
Te utu taakuta i te po
Kua tau mai te takurua me te aha, e akiakihia ana tatou e Te Whanau o Waipaeira kia kaua tatou e noho taurekareka ki nga mana o nga ratonga hauora. Hei taa ratou, hei aha te utu i te iwa tekau ma rua taara mo te toro i te taakuta i nga haora o te po, me haere ki te waahi whawhati tata o te hohipera. Hei taa Joe Lose o Te Whanau o Waipareira, kua roa ratou e maharahara ana ki te nui o te utu mo te haere ki nga taakuta o nga ratonga hauora i nga haora o te po.
Ko te iwi ka whai hua?
Taihoa ake nei ka pooti a Ngati Whakaue me Tuhourangi- Wahiao mo te whakatau kia hoatu te mana whakahaere i Te Puia, ara, i te New Zealand Maori Arts and Crafts Institute i Rotorua ki a ratou. I waitohu kirimana te Minita Whakawhanake Maori a Te Ururoa Flavell me te Tarahiti o Te Whakarewarewa i tenei wiki kia ahu whakamua ai tenei kaupapa. Hei taa Flavell, ehara i te mea, ka raru nga mahi o ia ra a Te Puia, i te whakahokinga o te mana ki nga iwi.
Te wahanga makariri o te tau
Koinei te marama e whakanui ai tatou i te maatahi o te tau. Hei taa Maamaa Kumeroa, Tumuaki o TKKM o Ngaati Ruanui, e whakarite ana ratou ki te whakanui i tenei wahanga whakahirahira o te tau.
Kua piki te nama o te hunga kainga kore
E ai ki nga tatauranga i puta ake i tenei wiki, kua piki te tokomaha e kainga kore ana. Hei taa Tu McClean, kaimahi hapori i Manurewa, ehara i te mea ko ngaa whanau Maori anake e kainga kore ana ki roto i te tonga o Tamaki.
Te oohanga maori
E akiaki ana te toihau o te Uepu Ohanga Maori, a Robin Hapi i nga ratonga me nga pakihi Maori kia mahi tahi hei oranga mo te iwi. I hui ratou o te Uepu Ohanga Maori ki Te Pou Matakana inanahi, ki te maatai i nga ahuatanga o te rautaki Collective Impact e kokirihia nei e Te Pou Matakana kia angitu ai te kaupapa Whanau Ora.
Ka panoni ngaa kura maori e rua
Kei te koomitimitihia Te Kura Kaupapa Maori o Manurewa me Te Wharekura o Manurewa kia tuu ai raua hei kura kotahi. Rua tekau ma wha miriona taara ka whakapaua kia tutuki ai tenei koomitimititanga. Hei taa te Minita i nga take matauranga, a Nikki Kaye, koinei tetahi wahanga o te whakapakari i nga kura o Tamaki Makaurau. Ko Mahia Nathan te tumuaki o Te Wharekura o Manurewa.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
