Listen Now: 
Kei te anga pehea te kaunihera maori?
Kei te puupu ake he raruraru i roto te kaunihera maori. Te hiahia a Edward Taihakure Durie hei kaiwhakahaere i te kaunihera anake I mua atu i tera he rua nga heamana ko Maanu Paul tetehi Koina te raru i kawea ki te kooti.
Tokomaha nga mauhere maori
Na te maori ano te hee koina e kikii nei nga whareherehere i te maori. Koina nga whakaaro o Garth Mcgivor o te roopu Sensible Sentencing Trust.
Te reo Hainamana
Mandarin Page te ingoa ko kitea i runga nga ipurangi hei tohutohu i era tangata kahore e mohio ki te reo o hainamana. Engari, he kotahi taara toru tekau ma wha heneti te utu mena ka hiahia kia mohio kei hea te whare paku koinei te take kei te whaia e Pem Bird kaiako o te kura o Murupara te whakaako i ana tauira ki te korero hainamana.
Te mangai reo maori o Ahia
Ko Meng Foon tetehi hainamana he tino mohio ki te korero maori. Hei taana i whai a ia i te reo maori hei whakapuare i nga kuaha katoa e hiahiatia. Kei te tautoko te iwi o te Tairawhiti ki te whakapuare i te kuaha ki aia.
Kia whakaakotia i Aotearoa
Katahi ano a Shane jones ka hoki mai i nga motu o te moana e mohio tia nei ko te Meditaranian. Hei ta Shane me tono aia e te kawanatanga ki te wahakarongo i nga hiahia. Tetehi kaupapa i whakarite he tuku mai i nga tangata o era motu kia whakaakotia i te kura wananga o Wikitoria i Poneke.
Te Hui Ahurei o Te Tai Tokerau
Ko te hui ahurei o Te Taitokerau 2017, he kaupapa nui, he waahi ano hoki hei whakaputa i ngaa whakaaro nui o te wa. I teera wiki tuu ai teenei huihuinga ki Te Kura Kareti o Bream Bay. E aii ki te kaumaatua o te kura kaupapa Maori o Te Kaikohe, a Nau Epiha, kia kaha taatou ki te whaangai i te reo Maori ki wa taatou tamariki mokopuna.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
