Te pire Oranga Tamariki

Te pire Oranga Tamariki

Kua ahua tau haere o matou whakaaro. Koira taa Rahui Papa o te Kahui Rangatira-a-Iwi i haere ra ki te korero ki te Minita Whakahiato Ora ki a Anne Tolley mo te pire Oranga Tamariki, ara, te pire e panoni ana i te Tari Tamaiti Taiohi Whanau. Hei taa Papa, kua maaii o roto whakaaro e pa ana ki nga whainga o taua pire, whai muri iho i taa ratou hui ki a Tolley. Hei te ra nei, ka whakapuaki a Papa i nga tapae whakaaro o Waikato-Tainui e pa ana ki te pire, ki mua i te aroaro o te Komiti Whiriwhiri o te Whare Paaremata.

Tuu motuhake mo Reipa

Ka ata noho nga kaitorangapu Maori o Reipa ki te whiriwhiri ko wai o ratou ka kimi turanga ki runga i te rarangi ingoa a te roopu, ko wai ka tuu motuhake. Koira taa te mangai torangapu mo Tamaki Makaurau, taa Peeni Henare. I rewa nga tukemata i te whakatau korero a te kaiarahi i a Reipa, a Andrew Little i tera wiki, i kii ake ra ia, e kore e teitei te noho a nga kaitorangapu Maori o Reipa ki te rarangi ingoa a te roopu, na te mea, ka pakanga ratou, rae ki te rae, ki te RTM me Mana mo nga turu Maori.

Hui mo te pire oranga tamariki

Kei te whakahee a Ngati Raukawa i te whakatau a te Minita Whakahiato Ora, a Anne Tolley, ara, ma te pire oranga tamariki ka puta he hua nui ki nga tamariki whakaraerae o tenei whenua. I tae atu a Tolley, ki te hui a Raukawa i tuu ki Te Wananga o Raukawa i Otaki, he hui i whakatuuria ai e Kahurangi Tariana Turia raua ko Ahorangi Whatarangi Winiata. Hei taa te iwi, kaore tonu te Kawanatanga i te paku marama ki te mana nui o te whanau i roto i te ao Maori, me te hiahia o nga whanau kia riro ma ratou ano aa ratou tamariki whakaraerae e tiaki.

Nga mauhere Maori

Kua tahuri te Kingitanga ki te mahi tahi ki te Ara Poutama ki te whakaauraki i nga mauhere Maori. Hei taa te Minita i nga take Whare Herehere a Louise Upston, kua waitohu whakaaetanga ratou ko Kingi Tuheitia e tuu ai he kaupapa hou hei tautoko i te taha wairua, taha tinana, taha hinengaro, taha whanau hoki o nga mauhere Maori kia puta ai ratou ki te whai ao, ki te ao marama.

Whakatuu whare hou ki Tamaki Makaurau

E whakatikatika ana nga iwi ki te awhina i a Tamaki Makaurau ki te whakatuu whare hou kia mimiti iho ai nga raru whare o te wa. Koira taa te Toihau o Te Kaupapa Whakatuu Whare ki Whenuapai a Paul Majurey. Kei roto i te kaupapa nei nga iwi o Pare Hauraki me Te Tumu Paeroa, a, e wha tekau ma iwa nga whare e whakatuuria ana ki Whenuapai. Hei taa Majurey, e mahi tahi ana hoki ratou ki nga iwi o Tamaki Makaurau ki te whakatuu whare ki Waimahia i te tonga o Tamaki.

Follow us on &

Copyright © 2017, UMA Broadcasting Ltd: www.waateanews.com

RELATED NEWS

Quality boost in city housing redevelopment Maori land Bill delayed E rere tonu te puehu