December 12, 2016
Tautoko a Hapai Te Hauora i nga kaupapa huka kore
Tautoko a Hapai Te Hauora i nga kaupapa huka kore
Kua tahuri te Ratonga Hauora Maori o Hapai Te Hauora ki te tautoko i nga roopu e wero ana i te nui o te huka e kainga ana e tatou. Hei taa Ants Hawke o Hapai, kua roa a Hapai e kokiri ana i nga kaupapa huka kore, ara, na ratou i huka kore ai te whakataetae Polyfest i tenei tau. Hei taa Hawke, na to ratou angitu, kua powhiritia ratou kia hono ki te kahui o nga roopu e whakapataritari ana i te huka.
Te turu auraki o te Tai Rawhiti
Kua tohua e Reipa a Kiritapu Allan o Ngati Ranginui, Ngai Te Rangi me Ngati Tuwharetoa hei kaiwhakataetae ma ratou ki te turu auraki o te Tai Ra Whiti. Kei te Minita Whakahiato Ora, kei a Anne Tolley o Nahinara taua turu i tenei wa. He roia a Kiritapu Allan, a, hei taana, na tana tipuranga ake i roto i te ao pohara i tahuri ai ia ki te tautoko i a Reipa me aana kaupapa paapori.
Te Runanga o Ngati Whatua
Kei te whakahou ake Te Runanga o Ngati Whatua i tetahi waka kooporo hei waka hauora, ana, ka haere te waka kooporo nei ki nga kainga me nga marae ki te whakamatautau i te hauora o ona uri. Kua whai putea te Runanga i te roopu ProCare Charitable Foundation mo tenei kaupapa.
Tumuaki hou ki Auckland Girls Grammar
Kua tohua he tumuaki hou ki te kura Kahurangi o Tamaki, ara, ki te kura o Auckland Girl’s Grammar. No Ngati Maru a Ngaire Ashmore, a, koia te Maori tuatahi kia tuu hei tumuaki o te Kura Kahurangi o Tamaki.
Copyright © 2016, UMA Broadcasting Ltd: www.waateanews.com