Listen Now: 
November 27, 2016
Taakuta Maori ki te Whare Wananga o Tamaki
Waatea Team
Posted On November 27, 2016
Taakuta Maori ki te Whare Wananga o Tamaki
E hia ngahuru tau te Whare Wananga o Tamaki e whakapau kaha ana ki te hapai i nga uri Maori kia tuu ai ratou hei taakuta hauora, a, kei te kitea nga hua o taua whakapaunga kaha inaianei. Wha tekau ma ono nga taakuta hauora Maori, uri moutere hoki i whakapotaetia e te whare wananga i tenei tau, a, hei taa Ahorangi Papaarangi Reid, no te ngahuru tau whitu tekau i whakarewa ai te Whare Wananga i taa ratou kaupapa e uru motuhake ai etahi uri Maori ki te kura rongoaa kia rahi ake ai nga taakuta Maori ki tenei whenua. Hei taana ko te whainga i taua wa, kia Maori te tekau oorau o nga taakuta hauora o tenei whenua, hei te tau rua mano, rua tekau.
Te wehenga a Hekia Parata i te ao torangapu
He maha tonu nga mahi hei whakatutuki maaku, i mua i taku hekenga ki raro. Koira taa te Minita i nga take Matauranga, taa Hekia Parata. Hei taana, i mama te whakatau kia wehe i te ao torangapu, whai muri iho i te tekau tau oona ki reira, engari, kaore ano ia kia ata whiriwhiri ka aha ra ia hei nga tau e tuu mai nei.
Te Runanga o Ngati Maniapoto
Kei te kimi maatanga te Runanga o Ngati Maniapoto hei whiriwhiri i taa ratou whakataunga Tiriti ki te Kawanatanga. Hei taa Tiwha Bell, toihau o te Runanga, kua pooti te nuinga o nga uri o te iwi, ma te Runanga te tono raupatu e kokiri, na reira, kua timata te Runanga ki te rangahau haere, puta noa i te rohe potae, kia kite atu ratou i nga maatanga tika hei whiriwhiri, hei amo tiitoki hoki i te tono ki mua i te aroaro o te Kawanatanga.
Whakarewahia te marae o Pukaki
Kua whakarewahia e te marae o Pukaki i te tonga o Tamaki, te whanga tuarua o taa ratou kaupapa e tuu ai i a ratou he papa kainga. Hei taa Leah Clarke, mangai mo te marae, tekau ma toru whare kua tuu ki runga i o ratou whenua, a, hei te wahanga tuarua o te kaupapa, e whitu ano nga whare ka tuu.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2016, UMA Broadcasting Ltd: www.waateanews.com
RELATED NEWS
