July 07, 2016
Reipa huritau
Reipa huritau.
Ko tenei te raa whaanau kotahi rau tau o te roopu Reipa.
Kei te kii to ratou rangatira a Andrew Little kei te tika tonu nga whakapono taketake o te roopu i enei raa.
Ki a ia ko nga tuuranga mahi me nga kaupapa whare kei te tautohe tonutia me te mohio ka oke nga whaanau ki te kore he whare o ratou.
E mea ana a Reipa he mea motuhake ki a ratou te tautoko o te Maori.
Mate ruumaatiki.
Kotahi miriona taara te tohanga puutea hai hoatutanga ma te kaawana ki te whawhai i te pewa ruumaatiki ki nga haapori whawhati tata Maori.
Ki taa Minita Hauora a Jonathan Coleman e hia kee nga tamariki me nga taiohi Maori Pasifika kei te noho tuuwhera ki taua maauiuitanga e taea ai te aarai.
I waenga i nga tau 2012 ki 2015 i heke te paanga o te piwa ruumatiki ki te Maori i te 54 paiheeneti.
Hato Hoohepa huritau.
150 tau te reo e tautokohia ana te reo Maori e te kura koohine Maori o Hato Hoohepa i Ahuriri.
I tenei wiki o te reo Maori kei te whakarewa te kura i nga tono ki te ipurangi kia reehita wawe mo to ratou huritau 150 tau a te marama o Whiringa aa nuku 2017.
Ka mutu i runga i te piripono o te kura ki te tautoko i te reo Maori he maha nga whakatupuranga koohine e aronuitia ana ki to ratou taha rangatira.
Te Maataawai.
Kua whiriwhirihia ko kaiwhakapaaho, ko kaiako Scotty Morrison kia tuu ia hai maangai reo irirangi ki te roopu whakarauora reo Maori o Te Maataawai.
I tautapatia a Morrison e te Reo Irirangi o Te Arawa hai taana, he tohu whakatiketike te tatuunga ki tera o nga roopu whakahirahira me te mohio he nui te tuuranga o nga reo irirangi huri noa kia whakapaaho i te tangi o te reo ki nga taringa o te hunga whakarongo.
Copyright © 2016, UMA Broadcasting Ltd: www.waateanews.com