May 23, 2016
Otinga Ako Whangarei
E tautoko ana tetahi kura hourua i te Taitokerau ko te piripono o te kaawana me nga roopu tautoko ki era kura.
E mea ana a Reuben Wharawhara o te tarahiti He Puna Maarama, he tino kino te pai o nga otinga i to ratou kura Te Kaapehu Whetuu, kua whakaaturia nga painga o te kura hourua.
Hai taa Wharawhara ano, ka akiaki i nga tauira ki te tuu rangatira ki a ratou mahi katoa.
Marae kaupapa ipurangi
E whakatupu ana a Waikato Tainui i te ahua i te huanga o ona marae 68 ma te ipurangi otiraa ma te puumanawa tautono e meingatia ana he app.
Ko te hiahia kia akiaki i te maha ake o nga uru ki te whakapaa atu ki o ratou marae kaainga.
Hai taa Hone Haunui Raapana hai timatanga ma ratou kia whakahono i nga marae 15 ki te kaupapa aa ka whiriwhiri i tetahi mema o ia marae, kia noho ki te roopu tohutohu mo te hootaka nei.
Parihaka whakataunga
Kua haina kaupapa nga Minita Kaawanatanga i runga i te tumanako ka whakarite whakataunga mo Parihaka.
Hai taa te Minita Take Maori a Te Ururoa Flavell, e rongo tonu ana te haukaainga i te paamamae o te paahuatanga o taua kaainga i te tau 1881.
He orite te kirimana kua hainatia e te Minita Take Tiriti a Chris Findlayson ki tera i kookiritia nga whakawhitinga korero ki waenga i a Tuuhoe me te Karauna.
Kura hourua
Kua puta te whakatau a te kaawana ki te whakatuuwhera i etahi kura hourua hou, engari kaahore te Uniana o nga Kaiako Kura Tuatahi e whakaae ana.
Kia whitu nga kura hou ka whakatuuria engari e kii ana te uniana horekau he rangahau e tautokohia ana nga painga o nga kura hourua me te ahei ki te haapai ake i nga aakonga ki tetahi taumata motuhake.
Davis taikaha
E whakaatu ana nga hiikoi aatete tuukino i nga raa whakataa me whakamana i nga haapori ki te rutu i aua raruraru.
Hai taa Kelvin Davis o te roopu Reipa, kua kite i te aawangawanga o te iwi whaanui me to ratou riri ki te matenga o koohungahuna Moko Rangitoheriri inakuaraa.
Hai taa Davis ano, kaua hoki tatou e whakaae atu ki nga kanga, ki nga whakaweti, na te mea ko era mea te timatanga o nga mahi kino ake.
Copyright © 2016, UMA Broadcasting Ltd: www.waateanews.com