March 01, 2016
Haawera
Haawera
Kua katia te Kooti a rohe o Haawera na te tutuunga o te puehu.
I reira nga kaiporoteehi e rua e tuu ana ki te whakautu i nga whakapae mo te tango i nga tahatiti o te ruritanga a kamupene Shell Oil.
I reira hoki ko nga kaitautoko o te tokorua raa e uumere ana aa i mau i a ratou te haki o te Whakaputanga.
Ko te mahi a etahi he kangakanga he whawhai.
Fund
Kua taaruatia te karanga a te Minita Maori a Te Ururoa Flavell kia tuku tono nga roopu Maori ki te Whenua Puutea Maori i whakaritea i tera tau hai peka o te Ture Whenua Maori.
Ko tona tika he akiaki i te hiahia ki te whakatupu i nga whenua Maori e noho korou kore ana.
Hai taa te Minita he nui o tatou whenua kei te noho pera.
Mahi ahuwhenua
He mea nui ki nga kaupapa ahuwhenua i Aotearoa kia whakatupu i te maha ake o nga rangatira Maori ki era momo mahi.
Koia te karanga a Tangaroa Walker kaiahuwhenua rangatahi o te tau 2012.
Hai taana me aro ki nga whaainga i runga i te mohio hai te roanga o te waa mehemea ka pukumahi te tangata ka kite i nga hua nui.
Te Pire Reo
E tautoko ana a Peeni Henare o Reipa i te pire reo Maori engari ki a ia ko te nuinga o nga hua ka taka mai ki nga tari karauna.
Kaore a Minita Maori a Te Ururoa Flavell e whakaae ana ki a Henare hai taana he nui tonu te tuuranga o nga iwi i nga kaupapa whakarauora reo.
Kaati hai taa Henare ano he nui nga tukanga whakahaere he iti ake nga paerewa tutuki whaainga.
Utu Keenge
Ka nui te utu o nga keenge ki te oohanga o Aotearoa.
Koia te korero a te Tari Tupu Paapori na runga i te noho penihana, i te mahue tamariki, i te tuukino, i te taikaha, i te aha. Heoi ano kua whakarewa i tetahi Whare Kohi Moohiohio mo nga Keeng kia haukoti i a ratou mahi.
Copyright © 2016, UMA Broadcasting Ltd: www.waateanews.com