Listen Now: 
Ranginui Walker
He tangata mohio i te uru atu ona ki nga whakawhitinga korero waenga i te Maori me te Paakeha.
Koia tetahi o nga korero e rere ana mo Taakuta Ranginui Walker o Te Whakatoohea kua ngaro i te tirohanga kanohi.
Hai taa kairangahau tiketike a Paul Spoonley o te Whare Waananga o Massey i tuku wero a Ranginui ki te iwi Maori kia whai waahi ki nga kaupapa o te ao hurihuri nei.
Atu i tera i kaha wero hoki ia i te ao Paakeha ki te whakatika i to ratou kore mohio ki te ahua o te Maori.
Heoi ano, e te rangatira takoto mai i to aahuru mo wai, takoto mai, moe mai raa.
Irirangi
E kore kaahore ka tatuu te maha o nga kaupapa Maori ki te ipurangi a nga tau e tuu mai nei ki reira tirohia ai, rongohia ai.
Hai taa Paul Thompson toihau o Irirangi Aotearoa kei reira kei te Ipurangi te nui me te kaha o nga whakautu a te haapori whaanui ki nga kaupapa Maori o te waa.
Waihoki hai taa Thompson ano kei te whakarite rautaki ratou kia auau ake te putanga mai o nga ahuatanga Maori ki nga whakapaahotanga o te teihana.
Hourua
Kei te utua nga kura hourua kia hinga, kia rahua.
Koia te korero a te Kaahui o nga Tumuaki Kura me to ratou peretini a Iain Taylor.
Hai taana, kei te whakatiitaha puutea nga kura hourua atu i nga kura auraki ka nui te hiahia ki te puutea hai whakatinana i nga hootaka mauritau mo nga aakonga e oke ana
Min wage
Kua whakatuturu te kaawana i to ratou hiahia ki te whakapiki i te utu paapaku mo nga kaimahi kia 15 taara 25 heeneti.
He pikinga 50 paiheeneti tera engari ki etahi pera i nga uniana he kongakonga noa iho tera me te kii he momo tuukino kia mahue te tini manomano o nga kaimahi ki muri.
Kaati e mea ana nga kaitautoko i te utu oranga o te living wage koia te ahua kaiapo o tenei kaawana.
Whenua
Ahakoa nga korero a te kaawana kei te kaiapo ratou ki nga whenua Maori e toe ana.
Koia te whakapae a Maanu Paul tiamana o te Kaunihera Maori e paa ana ki te tukanga whakawhiti korero kei te kookiritia e te kaawana hai whakahou i te Ture Whenua Maori.
Hai taa Paul ano te hanga nei ko taa te kaawana he rapu hua moona ake koira ratou ka tere pana whakamua i taa ratou pire kia whakatauhia.
Copyright © 2016, UMA Broadcasting Ltd: www.waateanews.com
RELATED NEWS
