Listen Now: 
He mahi puurahorua
Ko taa Aotearoa he torotoro atu i nga mahi a nga whenua o te Moana Nui a Kiwi.
Koia te korero kua tukua mai e kaituhi William Snowden o Amerika ki nga roopu papaaho e whakaaturia ana he whenua puurahorua tatou.
Ko te GCSB tera kei te kohikohi moohiohio huri noa te rohe whaanui o nga moutere kaatahi ka hoatu ki te roopu puurahorua o Amerika
Ko kairiipoata a Nicky Hager tetahi kei te kii he mahi tera kei te mahia i runga i te iinoi a Amerika kia peratia.
Tuatara whai kaainga.
Ko te moutere o Hauturu ki te raki maa raawhiti o Taamaki Makaurau koia te waahi kei reira te tuatara e rapu oranga.
Tekau maa iwi nga hua tuatara kua kitea i taua motu i whakahokihia ki a Ngati Manuhiri i taa ratou whakataunga Tiriti o Waitangi ka takohatia ki te motu i muri mai.
Horekau he orotaa ki te whakararu i te tuatara me nga kaakaapo e iwa i tukua ki reira i te tau 2012.
Kaaingakore he raru nui.
Me whai waahi nga iwi kia mutu ai te kaainga kore i roto i a tatou.
Koia te whakahauhau a te Kaahui Mutu Kaaingakore o Aotearoa hai taa ratou ko te muru whenua me te ngarohanga o te ahi kaa te timatanga o te kaingakore na reira e tika ana kia rongo te kaawanatanga i te taimaha o nga korero a te Maori mo tenei kaupapa nui.
Ka ahu pehea te tokorua?
Ka whakamate i nga tokorua o Ahitereiria e meingatia ana he mema o te roopu Bali Nine akuanei mo te toha puku i te tarutaru te take.
Koia te korero a te peretini o Indonesia a Joko Widodo me tana kii kua whakatakoto kee i te whakatau a te kooti te hanga nei kei te whakaririka tonu taua whenua i nga iinoi a Ahitereiria kia kaua ratou e patu i a Myuran Sukumaran raaua ko Andrew Chan kia mate.
Heoi ano hai taa te kaawanatanga o Ahitereiria me mohio a Indonesia ki nga paanga o taa ratou e korero ai mehemea ki te whai ratou i taua korero.
Nga huarahi moorearea tonu.
Na te maha o nga tukinga motukaa ka taea te kii he waahi moorearea nga huarahi o te motu i tenei tau.
Tekau taangata kua mate i nga huarahi o Waikato mai te tuatahi o Hanuere me te kupu whakatuupato a nga Piriihimana kia mataara te haere i nga waa katoa.
Hai taa ratou ano ka tae a tinana ratou ki te tirotiro i nga huarahi kia kitea a kanohi.
Kuia moorehu o Haapanihi.
Kotahi rau tekau maa whitu tau tetahi kuia moorehu i Haapanihi whenua ko Misao Okawa tona iingoa koia te tangata pakeke ake o te ao otiraa ko te maataamua o te tangata.
Neke atu i te 58 mano taangata o Haapanihi whenua kua piki ake ki tua o te kotahi rau tau te pakeke.
E mea ana te nuinga o nga kairangahau ko te ahua o te kai o ia raa koia te mea nui kia roa atu te noho a te tangata i te mata o te whenua.
Copyright © 2015, UMA Broadcasting Ltd: www.waateanews.com
RELATED NEWS
