Listen Now: 
He taura here tangata e kore e motu.
He mea nui kia whakatupu i nga hononga toorangapuu ki era o tatou kei taawaahi e noho ana.
Hai taa Pita Sharples Minita Take Maori koia tetahi tino ahuatanga:
[CLIP]
Pita Sharples
Kaiako kei te riri.
E hiikoi ana nga kaiako o te motu i nga huarahi huri noa ki te whakahee i te kaupapa maatauranga a te kaawanatanga.
Ko to ratou hiahia kia utua te puutea mo te kaupapa whakangao maatauranga a Naahinara ki nga tamariki i te tuatahi.
Na runga i nga poroteehi nei, tera pea ka whakamate i te mahere kia tuu rangatira ko etahi kaiako, ko etahi tumuaki.
350 miriona taara ka utua ki te kaupapa whakangao e korerohia nei engari e kii ana te tini o nga kaiako me utu kee i taua puutea ki te whakaheke i te maha o nga tamariki ki nga ruma ako, ki te whakapiki i te tautoko ki nga kaiako.
Ko Taa Apirana Ngata korero.
Kua tae atu a Ngati Porou ki Poneke i te raa nei ki te whakahaere i te 31 o nga hui a tau e kiia nei ko nga kauhau a Ngata.
Kei Te Papa Tongarewa te hui raa aa ka tuu ki te korero ko etahi o nga maatanga maatauranga o te iwi.
E mea ana a Taa Taamati Reedy he hoonore nui ki a ia te korero mo Taa Apirana Ngata, ko te taniwha hikuroa o Ngati Porou i ona raa.
Hei aha i nga whakapono Maori.
Ko wai kei te whakapono ki te ao wairua o te Maori?
Koia te paatai a Colin Craig o te roopu Conservatives i tana hui inapo i te Papaioea.
Ko taana he aha te Kaunihera o Taamaki i kii taurangi ai ki te aronui ki te Maori me ona ahuatanga?
Ko taana ano me whakamate i nga tuuru toorangapuu Maori me te Taraipiunara o Waitangi ehara i te mea ko te Taraipiunara te rongoaa ki nga uauatanga e rongohia nei e te Maori.
Ka toa te kaawanatanga.
E korekore ka tuu ano a Naahinara hai kaawanatanga o Aotearoa.
Koia te matapae a etahi kaiwetewete toorangapuu i runga i te tatauranga rangahau o te waa e kii ana kua piki maarika te tautoko ki a John Key me tana roopu.
54 paiheeneti te aroha ki a Naahinara 24 paiheeneti ki a Reipa. Te hanga nei ko te kaupapa tautohenga e meingatia ana ko dirty politics kaahore e whakatahuri ana i te ngaakau tangata ki te ahua o te kaawanatanga me to ratou rangatira.
Copyright © 2014, UMA Broadcasting Ltd
RELATED NEWS
