June 17, 2013
He patunga ō te horo whenua
Ka aroha kē te kuia, ono tekau mā rua te kaumatua, i riro nei tana whare i te horo whenua.
Karawhiuwhiu ana te ua, ka kino te māku, haukū katoa te whenua i te rohe ō Te Tauihu ō te Waka, kati, hai tā te tari pirihimana ēhia kē ngā horo huri noa i taua takiwā.
Ko Steve Franklin te kainoho tata ki te kuia i mate, otirā koia te tangata tuatahi i tae atu ki te aituā.
E auahi tonu ana te ahi ō te whare, e horo tonu ana hiwi anō nei he koawaawa e turuturu iho ana.
Na Franklin tonu ngā pirihīmana i waea.
Tere tonu te tae atu ō wētahi atu ō ngā kainoho tata ki aru haere i te aituā, otirā, ki te kimi i te kuia.
I tomokia te whare mā te tuanui ō te whare.
Hai tā Mike Riddell, ō te tari kaipatu ahi, i te mau tonu te hiko ō te whare, ā, i kite atu rātau ngā wētahi waea e hikohiko ana.
Nā runga rātau i te tūpato mahi ai, tā te hiko, tā te mea i te horo tonu te karahiwi runga mai i te aituā.
I kitea te tūpapaku ō te kuia engari kāre anō tana ingoa kia karangahia.
Copyright © 2013, UMA Broadcasting Ltd